Juleavslutning i Oslo Songdanslag

Det var bra med folk på juleavslutninga i Oslo Songdanslag første måndagen i desember 2022. Også nokre som vi ikkje har sett i laget på lenge. Det var julekaker som vanleg og andre kaker attåt kaffi/te og julepynta langbord. Det var allsong og Inger Frøydis song ein julesong. Bygdelagskoret Blåne kom innom og song ein fin versjon av Haugebonden. Vebjørn skulle vise video av tidlegare framsyningar i laget, men teknikken svikta desverre. Solvor kom og spela mellom anna Oslo Songdanslag sin marsj. Liv og Gunnar var festnemnd. Neste samkome er måndag 9. januar 2023.